“Kutoka kwenye mateso hadi Kusifu” – nyakati za wamishenari

Wondimu Woldeyohannes, mhitimu wa programu ya mafunzo ya umishenari ya Bonga HubSchool, anahudumu katika Mkoa wa Kafa nchini Ethiopia, eneo linalotawaliwa na hofu ya waganga wa kienyeji. Ili kupata kukubalika katika kijiji fulani, Wondimu pamoja na timu yake walijenga upya nyumba ya mjane aliyekuwa akiteswa. Kitendo hiki cha upendo kilisababisha kuokoka kwa familia yake pamoja na wanakijiji wengine kumi na watano. Baadaye mjane huyo alitoa ardhi yake ili kujengwa kanisa.

Wondimu pia anawalea kiimani (kuwafanya wanafunzi) vijana kumi na sita, huku wakikabiliwa na mateso wanapohubiri Injili. Huduma yao imekuwa ikishuhudiwa kwa miujiza. Mpinzani mashuhuri wa Injili, Ashenafi, aliwaita baada ya mwanawe kupooza na kushindwa kupona kwa madaktari wala waganga wa kienyeji. Timu ilimponya mvulana huyo kwa jina la Yesu, jambo lililosababisha kuokoka kwa familia nzima ya Ashenafi.

Katika tukio jingine, msichana aliyekuwa bubu aliletwa kwa mmishenari na akaanza kuzungumza, hali iliyosababisha watazamaji watano kuokoka.

Licha ya kukumbana na vurugu za kimwili, kazi ya mmishenari huyo imesababisha kupandwa kwa makanisa mapya matatu, huku wanakijiji wengi wakivutiwa kukubali Ukristo kupitia matukio haya ya kimiujiza.

Soma zaidi kwa Kingereza kupitia