Kuelekea makanisa yenye nia ya umisheni zaidi

Agizo moja ambalo kanisa linapaswa kukumbuka ni Mt. 28:19: “Kwa hiyo enendeni mkafanye wanafunzi kutoka katika mataifa yote, mkiwabatiza katika jina la Baba na la Mwana na la Roho Mtakatifu.”

Kanisa linaloenda haliko kwenye jengo lake tu, bali linajali kuhusu mazingira yake ya mahali lilipo na kiulimwengu. Je, unaweza kufikiria kanisa ambalo shauku yake pekee ni kuona watu wakimiminika katika jengo lake siku za Jumapili? Hakika, kanisa hilo litajitenga na uhalisia wa jamii yake na upesi halitakuwa na maana.

Ni muhimu kwa mchungaji kutafakari juu ya mwitikio wa kanisa juu ya changamoto za kijamii ndani ya jumuiya yake na kwingineko. Mbinu itabidi iwe ya kimkakati wa kimisheni wa makusudi unaounganisha kanisa na jamii. Kanisa halipaswi tu kuwa la kuvutia katika njia zake, bali pia la kimishenari. Kanisa la kivutio pekee hukosa fursa ya kuathiri ulimwengu. Wachungaji ni muhimu katika kuelekeza kanisa kwenye umisheni, na njia moja wanayoweza kufanya hivyo ni kwa kutoa programu za kujenga uwezo.

Juhudi za kimishenari zimetumiwa zaidi na madhehebu kongwe ya Kikatoliki na Kiprotestanti kuliko makanisa ya hivi karibuni ya huduma huru. Hata hivyo, nyingi za huduma hizi zinazojitegemea zina rasilimali za kutosha kutekeleza kazi hiyo na kuleta matokeo makubwa. Kwa kawaida, nao huanza na ladha ya kimishenari lakini hufikia hatua ya kuvutia, hasa wanapojulikana sana. Ninawahimiza wachungaji wa makanisa kuungana tena na Mt. 28:19.