“Wanawake walifungiwa ndani ya nyumba za waume zao”
Tukiwa timu ya watu sita, tulienda kwenye uwanja wa umisheni ili kupata uzoefu wetu tukiwa wamisionari waliozoezwa baada ya mafunzo yetu. Tulipofika, tulipokelewa kwa uchangamfu na timu ya wamisionari waliokuwa wakifanya kazi huko na tukajiunga nao katika mkutano wao. Baada ya mkutano kumalizika, tulijigawa kwenye timu mbili. Timu yangu kilitumwa kwenye kijiji kilichoitwa ‘Awala;’ tulipaswa kukaa hapo kwa majuma 6.
Uzoefu wangu kijijini ulikuwa wa kusisimua, lakini nilishtuka kwamba wanawake hawakuja hadharani bali walibaki wamefungiwa ndani ya nyumba za waume zao. Hii ilimaanisha kuwa hawakuweza kuja kwako lakini unaweza kuwatembelea. Walijivunia Uislamu na wasingekubali imani nyingine yoyote. Siku moja, ndugu wawili waliokuwa pamoja nami waliamua kutengeneza matofali ya udongo ili kuwasaidia wamisionari kujenga jengo dogo. Niliamua kujiunga na hii ikawa habari katika jamii yote. Mmoja baada ya mwingine walikuja kumtazama mwanamke aliyekua akifinyanga matofali – walishangaa.
Mshtuko mkubwa ulikuwa ukweli kwamba ingawa waliwazuia wanawake wao wasionekane hadharani, hawakuwa na mkunga wa kuwahudumia wajawazito. Mhudumu pekee wa afya aliyefika kijijini hapo kwa ajili ya mahitaji yao ya afya na kuwasaidia wanawake wakati wa kujifungua alikuwa mwanaume kutoka kijiji cha jirani. Hawa ni watu waliowafungia wake zao ili wasionekane na wanaume wengine; hata hivyo, wanawaweka wazi kwa mtu wa ajabu ili kuwasaidia wakati wa kujifungua. Ilikuwa ngumu kwangu kuelewa.
Mshtuko mwingine ulikuwa hawaamini katika kuwapa elimu watoto wao. Kwa maoni yao, elimu ya magharibi itaharibu urithi wa Kiislamu. Nilijaribu kujadiliana na mmoja wao, mwalimu mkuu wa shule ya serikali, lakini alikuwa na maoni hayo pia. Nilijitahidi kumuelewesha kuwa kuelimisha watoto wao hasa wa kike kutasaidia jamii katika huduma za afya endapo baadhi yao wataingia katika uuguzi ili kuwahudumia wanawake wao badala ya kuwaanika kwa wanaume wa ajabu kutoka nje ya jamii yao. Alikubali na kuahidi kuwa atajaribu, lakini sijasikia kutoka kwa mtu huyo tena. Sijui kama watoto wao sasa wanaenda shule.
-Mmisionari na CAPRO Nigeria
