Kutoka kuwa Rubani hadi kuwa Mchungaji

Baba yangu alikuwa mchungaji wa Kanisa la Methodist nchini Zimbabwe, hivyo nilikulia katika mazingira ya kanisani. Hata hivyo, sikuwa na uhusiano binafsi na Kristo hadi nilipokuwa shule ya sekondari. Jioni moja, nikiwa chumbani kwangu, nilizingirwa na upendo na uwepo wa Mungu. Ulikuwa wa nguvu sana kiasi kwamba nilihisi kana kwamba Mungu alikuwa ameingia chumbani.

Asubuhi yake, nilienda kutafuta Biblia, na tangu wakati huo nikaanza kulipenda Neno la Mungu. Upendo wangu kwa Maandiko ulikua, nami nikaanza kuwashirikisha Habari Njema marafiki zangu, nikianza na mwenzangu wa chumbani. Baadhi ya marafiki zangu waliokoka.

Baada ya shule ya sekondari, nilipata mafunzo ya urubani na nikapata kazi katika uwanja wa ndege nchini Zimbabwe. Mungu aliniita kuhudumu katika kanisa la watu wa tamaduni mbalimbali. Huo ulikuwa mwanzo wangu katika huduma. Kupitia hilo, nilisaidia kupanda makanisa matatu huko Harare.

Baadaye nilienda kusoma shahada ya uzamili huko Chicago, Marekani, na nilipokuwa huko, niliona hitaji la Injili katika jimbo la Michigan. Sasa mimi ni mchungaji katika Metro Grace International Church huko Belleville, Michigan, nikihubiri Injili ya kweli katika mazingira ambayo wahubiri wengi wa televisheni wameipunguza nguvu Injili hiyo.

Soma hadithi kamili kwa kiingereza hapa: https://afrigo.org/…/missionary-profile-bishop-dave…/