“Kuleta tumaini”- nyakati za wamisionari

Mnamo 2023, tulianzisha programu ya kusambaza Biblia za Sauti kwa vipofu, wenye shida ya kuona na wasioona, na wasio na elimu kwenye Jamhuri ya Kidemokrasia ya Kongo, tulisaidiwa na mwinjilisti toka Nigeria. Wakati wa usambazaji, nilimtembelea kipofu mmoja aitwaye Anicet ambaye alikuwa hospitalini kwa majuma kadhaa na hakutarajiwa kuishi muda mrefu zaidi. Niliketi karibu na kitanda chake cha wagonjwa na tukazungumza.

Anicet alizungumza nami kuhusu maisha yake. Hakuzaliwa kipofu. “Sijawahi kuwa na matumaini mengi,” Anicet alisema. “Sikuzote nilihisi kama nilikuwa nikienda tu.”

Nilisikiliza habari yake na nikamuonea huruma. Nilimwambia, “Najua unapitia wakati mgumu kwa sasa, lakini nataka ujue kwamba kuna tumaini. Kuna Mungu anayekupenda, na ana mpango na maisha yako.” Nilifanikiwa kumshirikisha Injili, naye alisikiliza kwa umakini.

“Sijawahi kufikiria kuhusu Mungu hapo awali,” Anicet alisema. “Lakini ulichosema kina maana kwangu.”

Tulizungumza kwa kirefu na mwisho wa ziara hiyo, Anicet alimkubali Yesu Kristo kuwa Bwana na Mwokozi wake. Alijawa na matumaini na alijua hangekuwa peke yake tena.

Nilimpa Anicet Biblia ya sauti, na alisikiliza kila siku. Alishangazwa na habari za Yesu Kristo na akaanza kukua katika imani yake.

Majuma machache baadaye, mama aliyelipia gharama za hospitali alinipigia simu kuniambia kuwa Anicet amefariki. Nilihuzunika, lakini nilijua Anicet alikuwa mahali pazuri zaidi. Yuko pamoja na Bwana Yesu, na hatimaye yuko katika amani.

Kifo cha Anicet kiliniletea maumivu, lakini bado kilinitia moyo. Ninajua kwamba sitaweza kamwe kuchukua nafasi ya Anicet, lakini ninaweza kuendelea kufanya kazi ya Mungu, kwa sababu wapo wengi ambao bado hawajafikiwa. Nimeazimia kuendeleza urithi wa Anicet. Ninataka kuleta matumaini kwa wale wanaotatizika, kama vile Anicet.

Raphaël Kapampa Christophe kutoka Jamhuri ya Kidemokrasia ya Kongo