Esther Okello – safari yangu ya kuwa mmishenari

Mimi ni Esther, natokea Kaunti ya Nyeri, Kenya; nilisoma shahada yangu ya kwanza katika Chuo Kikuu cha Kilimo na Teknolojia cha Jomo Kenyatta.

Nilikuwa nimehudhuria somo la Biblia lililoendeshwa na Mission Campaign Network (MCN) Angaza Student mwaka mmoja kabla. Hapo ndipo niliposikia kuhusu Wabudha, Waislamu, Wahindu, makundi yasiyo na dini, na waumini wa mila za jadi—na jinsi wanavyohitaji kusikia Injili. Idadi ya watu duniani ambao hawajawahi kusikia Injili — na ambao huenda hawatapata nafasi ya kuisikia — ilinipa kuwaza kwa uzito mkubwa. Baada ya hapo, nilihudhuria kozi ya Kairos, iliyofungua macho yangu zaidi. Hapo ndipo wazo la kushiriki katika huduma ya kimisheni ya muda wa mwezi mmoja likazaliwa moyoni mwangu.

Mwezi Julai, nilielekea Marsabit pamoja na mwenyeji wangu, Grace. Ilikuwa nafasi nzuri ya kuona, kujua na kushuhudia maisha ya watu ambao bado hawajafikiwa na Injili. Nilijifunza jinsi ya kuwafikia, pamoja na changamoto zinazojitokeza – hasa changamoto ya lugha.

Wakati huo, sikuwahi kuwaza kuwa ipo siku ningeishi kwa miaka mingi miongoni mwa watu ambao hawajawahi kusikia Injili. Lakini huo ndiyo ulikuwa mwanzo wa safari yangu.

Kwa sasa, nimeolewa na mume Mu-Uganda aitwaye Okello, na tunaishi pamoja tukihudumu kama wafanyakazi wa misheni.

Soma hadithi yote kwa Kiingereza hapa https://afrigo.org/…/missionary-profile-esther-okello/…

Soma hadithi zaidi za misheni hapa https://afrigo.org/shuhuda-za-wamisionari/