“Mmishenari – MwanaNdoa Mpya” – nyakati za wamishenari
Rhoda Oluwakemi AppiahMmishenari Mnigeria nchini Ghana
Wazazi wangu walitengana muda mfupi kabla sijafikisha miaka kumi na miwili, jambo lililofanya siku yangu ya kuzaliwa ya miaka 12 kuwa moja ya siku za upweke zaidi maishani mwangu kwa sababu niliisherehekea bila mama yangu.
Nilipokuwa na miaka 15, Mungu alinipa siku nyingine ya kuzaliwa—mtu fulani alinishirikisha injili, nami nikatoa maisha yangu kwa Kristo. Nilipiga magoti chumbani kwangu na kumwambia Mungu kwamba ningefanya chochote atakachoniagiza. Sikujua ukubwa wa kile nilichokuwa nimejiingiza nacho.
Nilikutana na mume wangu, mwanafunzi kutoka Ghana aliyekuwa akisoma nchini Nigeria katika shule ya umishenari, na tukafunga ndoa tarehe 22 Juni 1996. Muda mfupi baadaye, tulihamia Ghana, nchi yake ya nyumbani, kama wamishenari.
Tulikuwa tukiishi Accra, lakini nilikuwa nikifuatana na mume wangu kwenda maeneo ya huduma ya umisheni. Tulianza kushirikisha Injili kwa watu wa Kokomba, kuanzisha makanisa, kufanya uanafunzi na kuwahamasisha kushiriki katika umisheni.
Nikiwa bibi harusi mwenye umri wa miaka 22, niliyeolewa na mgeni na mwenye matumaini makubwa ya maisha mazuri, nilifika kwenye eneo la huduma katika nchi mpya. Nilitarajia mambo yote yaende vizuri. Baada ya yote, si tulikuwa tumesikia sauti ya Mungu?
Lakini muda si mrefu changamoto za kifedha na migongano ya kifamilia zilifanya maisha kuwa magumu. Katika kipindi hicho ndipo nilipomjua Mungu kwa namna mpya na kuacha kuwa na wasiwasi; badala yake nilijikita katika kuhudumu pamoja na mume wangu.
Soma simulizi kamili hapa: https://afrigo.org/…/missionary-profile-rhoda…/