“Kutoka Nigeria hadi Niger” – nyakati za wamishenari

Sisi ni wamishenari kutoka Nigeria ambao kwa sasa tunaishi Niger, tukishiriki habari njema za Kristo kupitia maendeleo ya jamii, ushauri wa ndoa, michezo ya vijana, na mafunzo ya stadi za maisha kwa wasichana waliotengwa. Ruth, ambaye ni mwanasaikolojia, husaidia kuokoa ndoa zinazoyumba katika jamii isiyo na mwongozo maalumu wa maandalizi ya ndoa. Kwa sasa tunafanya kazi na familia sita na kundi linaloongezeka la vijana.

Lugha imekuwa mlima/kizuizi kikubwa zaidi kwetu: tulianza katika vijiji vinavyozungumza Kihousa (lugha tuliyoifahamu tayari), na sasa tunakabiliana na kupambana kujua Kifaransa katika mji mkuu.

Tumefahamiana tangu utotoni, lakini tulipata kuunganishwa tena na kuoana tukiwa katika miaka thelathini na zaidi. Safari yangu (Zack) ilianza nikiwa na miaka kumi, nilipotazama filamu ya Pilgrim’s Progress, Born in Hell wakati wa mkutano wa injili. Ruth alikulia katika ibada za familia za kila siku na akajisalimisha kwa Yesu akiwa anaishi nyumbani.

Mbegu ya umishenari ilipandwa niliposhiriki kama mwigizaji katika tamthilia ya maadhimisho ya miaka 100 ya SIM; hadithi yao ilinivutia sana. Kisha dada yangu aliuawa na kutupwa msituni — bado akiwa Mwislamu. Maumivu hayo yaligeuka kuwa moto ndani yangu: hakuna mwingine anayepaswa kufa bila kumjua Kristo.

Baada ya ndoa, tulipata mafunzo nchini Ufilipino, tukikusudia kwenda Burkina Faso, lakini vita vilifunga milango. Tuliomba Mungu atufungulie nchi yenye utamaduni na lugha tofauti kabisa. Mungu akafungua mlango wa kwenda Niger.

Soma hadithi kamili kwa Kiingereza hapa: https://afrigo.org/…/missionary-profile-zack-and-ruth…/